<div>2026 жылдың 30 қазан күні М.Мақатаев атындағы тірек орта мектебінде (РО) «Танымдық іс-әрекеттерді дұрыс ұйымдастыру біліктері – оқушыларды шығармашылыққа баулудың бірден-бір тиімді жолы» тақырыбында педагогтердің кәсіби шеберлігін арттыру, тәжірибе алмасу және оқушылардың шығармашылық қабілеттерін дамыту мақсатында семинар ұйымдастырылды.</div><div>Семинардың негізгі мақсаты: Педагогтердің оқушылардың танымдық іс-әрекетін тиімді ұйымдастыру бойынша кәсіби құзыреттілігін жетілдіру, шығармашылық ойлау қабілетін дамытуға бағытталған әдіс-тәсілдерді тәжірибе жүзінде көрсету және мұғалімдердің өздерін оқушы орнына қойып, оқу үдерісін оқушы көзқарасымен сезінуіне мүмкіндік жасау.</div><div>Семинарға тірек және магниттік мектептердің пән мұғалімдері қатысты.</div><div>Семинарда биология пәні мұғалімі Медеубаева Айгерім Жуасбековна оқушылардың танымдық қызығушылығын оятудың тиімді жолдары, шығармашылық және сыни ойлауды дамытатын қызықты тапсырмалар, оқытудың белсенді әдіс-тәсілдері тәжірибе жүзінде оқушылардың жұмыстары арқылы көрсетіп өтті.</div><div>Биология пәні мұғалімі Бақтияр Әсел Ермекқызы өзінің сабақ барысында қолданатын әдіс-тәсілдерімен тансытыра отырып оқушыларды шығармашылыққа баулудың жолдарын атап айтты. Оны тәжірибе барысында көрсету мақсатында педагогтермен топтық жұмыстар мен шығармашылық ізденіске бағытталған тапсырмалар орындатты. Педагогтер өзара тәжірибе алмасып, тың идеялармен бөлісті.</div><div>«Танымдық іс-әрекеттерді дұрыс ұйымдастыру біліктері – оқушыларды шығармашылыққа баулудың бірден-бір тиімді жолы» тақырыбындағы семинар барысында ұстаздарға ерекше шығармашылық тапсырмалар ұсынылды.</div><div>Семинардың ең қызықты әрі әсерлі кезеңдерінің бірі – мұғалімдердің бір сәтке оқушы рөліне еніп, шығармашылық ізденіске түсуі болды.</div><div>Бұл кезеңнің басты мақсаты – педагогтерге оқушының көзқарасымен ойлануға мүмкіндік беру, танымдық тапсырмалардың қызығушылықты оятудағы және шығармашылық қабілетті дамытудағы маңызын тәжірибе арқылы сезіндіру.</div><div>1-топ – «Ақылды өсімдік»</div><div>Қатысушыларға 2050 жылдың табиғатын елестетіп, ауаны тазартатын, жарық шығаратын және сусыз ұзақ уақыт тіршілік ете алатын ерекше өсімдік ойлап табу тапсырылды.</div><div>Ұстаздар болашақ өсімдігінің моделін құрастыру арқылы оның құрылысын, ерекшелігін және адамзатқа тигізетін пайдасын түсіндіруге бағытталды.</div><div>2-топ – «Болашақ жануары»</div><div>Бұл топқа 2050 жылғы өзгерген табиғат жағдайына бейімделген ерекше жануардың бейнесін жасау ұсынылды.</div><div>Қатысушылар жануардың дене құрылысын, тіршілік ету ортасын, қоректену тәсілін және қорғану ерекшеліктерін шығармашылық тұрғыдан сипаттау тапсырмасын орындады.</div><div>Тапсырмалардың ерекшелігі – дайын жауаптың болмауы. Әр қатысушы өз қиялына ерік беріп, ғылыми білімін шығармашылық ойлаумен ұштастыруға мүмкіндік алды.</div><div>Бұл жұмыс барысында ұстаздар тек тапсырма орындаушы ғана емес, ізденуші, зерттеуші, жаңалық ашушы рөлін де сезінді.</div><div>Осындай тәжірибелік жұмыстар арқылы танымдық іс-әрекетті дұрыс ұйымдастыру оқушының қызығушылығын арттырып, өз ойын еркін жеткізуіне, топпен бірлесіп жұмыс істеуіне және тың идеялар ұсынуына ықпал ететіні көрсетілді.</div><div>«Оқушыны шығармашылыққа баулу үшін алдымен оның қиялына қанат бітіріп, ойлануына мүмкіндік беру керек. Ал шығармашылыққа жетелейтін ұстаз сол үдерісті өзі де сезіне білуі тиіс».</div><div>Бір сәтке оқушы болған ұстаз – оқушы жүрегіне жол табудың жаңа мүмкіндігін ашады!</div>
<div>2026 жылдың 4 қарашасында «№2 Новоишим орта мектебі» КММ кітапханасында 1–11 сынып оқушылары үшін қазақтың ұлы ағартушы-педагогы, жазушысы және этнографы Ыбырай Алтынсариннің (1841–1889) туғанына 185 жыл толуына орай тақырыптық кітап көрмесі мен шолу ұйымдастырылды.</div>
<span style="font-family:'times new roman', times, serif;font-size:14pt;">"Червонный орта мектебі" КММ тәрбие жұмысының жоспарына сәйкес "Ұшқыр ой алаңы" жобасын іске асыру аясында 8 және 11 сынып оқушылары арасында пікірталас өтті. Ең өзекті тақырыптардың бірі басты назарда болды:"жасанды интеллект оқушыларға зияннан гөрі көп пайда әкеледі". Пікірталас барысында тараптар қарама-қарсы позицияларды ұсынды және өз көзқарастарын білдіруге және қорғауға үйренді.Іс-шара Аргументтің жоғары деңгейін, сындарлы диалог жүргізу қабілетін және оқушыларымыздың цифрлық этиканы терең түсінуін көрсетті. Мұндай форматтар функционалдық сауаттылық пен көпшілік алдында сөйлеу дағдыларын қалыптастыруға ықпал етеді.</span>
